Etiquetas

lunes, 28 de febrero de 2011

Amigas africanas


*Painting by Antòniu

lunes, 21 de febrero de 2011

Dimensionis d'una jolmiga


N’el Sol caberíen un millón de planetas Tierra. Ena estrella VY Canis Majoris caberíen mil millonis d’estrellas Sol. Una jolmiguina, en la mi palma ‘ la manu… mil millonis de millonis de veḍis más grandi que VY Canis Majoris.






1000.000.000 solis en una estrella

sábado, 19 de febrero de 2011

viernes, 18 de febrero de 2011

*Photo by Antòniu
Arcu ' Santiagu dobri ena carretera

STOP... !Un arcu ' Santiagu n'el su caminu¡

Recomendacionis generalis:
1- Párisi
5- Arrepari n’él deteníamenti
6- Enlleni el su corazón de coloris
7- Acontini agilandu de nuevu si se l’apeteci

*Photo by Antòniu

Cien mil planetas... en unu

*Photu by Antòniu
 
Cien mil planetas s’escuendin en ca rinconcinu d'esti el nuestru planeta:
Cien mil planetas en cien mil mirás, en cien mil intris, en cien mil ráfagas de Sol, de Luna, de lluvia, de nievi o de nébula
Cien mil planetas en cien mil pellejus, en cien mil cortezas, en cien mil pétalus… en cien mil granus d’arena desparcíus pol el vientu.

Ivielnu


¿Ivielnu?
Es una dama que desparci el su mantu esnúu pol to metá’el bosqui
y remúa a la montaña de jarina de cielu…
jasta el estrumpiciu ' la primavera
*Photo by Antòniu

lunes, 14 de febrero de 2011

Océanu Cielu

En los lubricanus, una ballena y un delfin con sangri de Sol...
sulcan el Océanu Cielu

Capilla Sixtina 'el bosqui


La Capilla Sixtina 'el bosqui...


Fugaci mirá al Sol...


Arretenel n'el pechu la eternidá 'el Sol...
con una fugaci mirá

Dioh Sol esisti...


!El oráculu de la gelmandá 'el bosqui ha palráu en silenciu¡:
Dioh Sol esisti,

Paseandu


Paseandu la mi hija, alcuentra un ratoncinu moribundu. Lu deposita en las sus manus percebiendu los sus últimus latíus... conmovía po-la su belleza. El probi animal, n'el su lechu de muerti, agraeci mesmamenti el calol humanu.

martes, 8 de febrero de 2011

Gelmana árbul


Gelmana árbul:
En silenciu, m'atalantu sobri la yelba en metá la gelmandá 'el bosqui
y en la tu estática libertá, percebu con juerza los tus latíus...
Pairi Sol mus susurra al oyíu, enantis d'escuendelsi ena montaña.



*Photo by Antòniu
Femme arbre

lunes, 7 de febrero de 2011

¿Helioteísmu?...



Las manus ‘el Sol acarician la mi faci
enantis d’escuendelsi ena montaña,
la gelmandá ‘el bosqui lati megu en silenciu,
el cánticu de la corrienti d’augua es el elisil de la eternidá...

*Photo by Antòniu






domingo, 6 de febrero de 2011

Sorprendentis imáginis 'el Sol




Toínu el Sol en una única imagin, pol primel veci
 Dos sondas espacialis de la NASA, de la misión Stereo, están agora oservandu el Sol endi las sus respetivas posicionis a 180 gráus de distancia una d’otra, es iḍil, ca una a un láu ‘el astru y, fotografiándulu a la veci, han consiguíu la primel imagin completa de to-la superficii solal. La capacidá de diquelal al mesmu tiempu las dos caras ‘el Sol premiti jaḍel un siguimientu a concencia de la estrella y mejora notablimenti la predición de la su actividá. 

*PD. Si vus apeteci, abréi esti enlaci, jurucheái una mijina y acontinái abriendu enlacis drentru… ¡Impresionantis imágenis ‘el Sol en movimientu!
http://stereo.gsfc.nasa.gov/

Miéu al homo sapiens

*Photo by Antòniu

   Pol pocu que s’analici la interrelación entri los animalis y el sel humanu se puéi llegal a una conclusión evidenti: los animali tienin miéu ‘el sel humanu. Cualisquiá bichinu, reptil, avi, peci, vertebráu u mesmamenti gran mamíferu dotáu con potentis defensas, ajuyi espavoríu en cuantis barrunta al homo sapiens… ¿Pol qué será?
Y el miéu es malu, mu malu, quiciás el sentimientu más escachinaol e innobri: miéu a los pairis, miéu al maestru, miéu al maríu u la mujel, miéu al invasol, miéu al gobernanti, miéu a la muerti, miéu a Dioh… ¡Ah!... me se olviaba arrecordal, los animalis tamién sientin.
¡Que demoleol y tristi que los nuestrus gelmanus ena esestencia mus perceban y cataloguin endi el pánicu!
Se puéi entendel qu’el australopithecus, el homo erectus u jasta el mesmu homo sapiens impuniera la su juerza bruta en un mundu ajostigaol primitivu… pol pura sobrivivencia. Se puéi entendel qu’un neandertal cazasi Mamuts, qu’un indiu yanomami caci un caimán y un Inuit una foca… peru ¿cómu justifical tanta prepotencia y crueldá jacia otrus seris vivus? ¿Cómu justifical el maltratu animal sistemáticu e indiscrimináu? ¿Cómu justifical a nivel planetariu el holocaustu d’especiis pol puras ambicionis espansionistas y económicas? ¿Cómu justifical la caza indiscriminá pol pracel; las brutalis tradicionis comu el toreu, la briega de gallus, las mutilacionis y sacrificius violentus d’animalis, los festejus popularis aberrantis, etc? ¿Cómu justifical la industria alimentaria mundial con un engranaji de macruprodución qu’al día sentencia a millonis y millonis de gelmanus animalis al hacinamientu, al sufrimientu continu y al asasinatu, al fin y al cabu?
Se supon que la sociedad actual agila jacia la democracia y la justicia peru entovía hai algu emportante abondu pendienti de revisal: la nuestra convivencia con los animalis (y prantas) y el respetu a la su dinidá.
Si los probis animalis juesin escapacis de palral en humanu, gritaríen al unísonu: !!!LIBERTÁ ANIMAL¡¡¡
Peru lu peol de todu es el miéu ‘el homo sapiens al homo sapiens, de lu cualu jablaremus algotru diína.
Blog recomendáu: El museo de la luna ( http://moon-museum.blogspot.com/ )
Libru recomendáu: "Todos los animales somos hermanos" (Jorge Riechmann)


sábado, 5 de febrero de 2011

Horizonti



El horizonti
     bebi la sangri ‘el sol …
la luna calla


*Photo by Antòniu



Acaricial...



Acaricial al Sol con manus de muchachinu,
Acaricial al pechu con rayus de Sol…

*Photo by Antòniu

Lubricanus y vida


*Photo by Antoniu

*Photo by Antòniu







*Photo by Antòniu


*Photo by Antòniu




*Photo by Antòniu

lubricanus y vida

  
  Ayel, a l’atardecía, juimi a dal una güeltina renti un lagu cercanu. En los lubricanus, el Sol regalaba a toínu una alucinanti luh anaranjá. Un estrumpiciu de vida s'espetaba elantri mí: milentas espectacularis grullas llegandu en oleás pa pasal la nochi, cientus de patus silvestris, aguanievis, gaviotas, cigüeñas, liebris gigantis orejúas… y enas auguas, una tupa pecis jaḍiendu voltarinas en los sus saltus.
En un intri, me queé paráu pensandu y dími de cuenta de qu’a pesal de lu idílicu ‘el momentu, en realidá, to-las criaturas ajuyían de mí… miéu al homo sapiens!. Intenté altoncis dil mu aspacinu ocultándumi entri los árbulis peru el Sol a puntinu d’escuendelsi me delataba a ca pasu con la mi sombra quilométrica en movimientu. Cuandu el Sol s’hubu metíu totalmenti, un conmoveol jervieru de grullas bullía al mi arreol peru to-las bandás, asigún diban arribandu, en cuantis me barruntaban endi largu… daleaban el su vuelu pa esquivalmi.
Esprimenté tumbáu quietu n’el suelu intentandu mimetizalmi en metá la incipienti escuridá y mesmamenti asina m’andaban evitandu.
Yo quería sintilmi unu más, pasal desapercebíu, integralmi… peru algu fallaba, de basi. Dispuesinu, una carrefila colorá n’el cielu ‘el horizonti, el primel luceru y un jilinu de Luna crecienti… mus igualaba a todus.
Jue una linda tardi.

viernes, 4 de febrero de 2011

Espeju



En metá'l bosqui,
el arroyu de jielu...
espeju 'el Sol


Caricia



El Sol d'ivielnu
acaricia al mi lombu...
los mis ojus la su luh

*Photo by Antòniu

Olé, Patricia!



L'actrici panameña Patricia de León posa asina pa PETA (People for the ethical traetment of animals). Linda imagin... nobli gestu. Es emportanti abondu que la nuestra sociedá vaiga agilandu p'lantri n'el respetu a la dinidá de toínus los animalis... homo sapiens incluyíus.
 .

jueves, 3 de febrero de 2011

Arti...



*Photu by Antòniu

¿Arti orgánicu estremu?...




   Navegandu po-la redi, descubru qu’ un artista (?) de 34 añus montó jaḍi angún tiempu una esposición de lu qu’él denomina “Arti orgánicu estremu”, en una sala alternativa de Cazris. Pa’l eventu tuvu la ocorrencia de jincal cientus de grillus vivus en lienzus disponíus enas parecis. Po-lo vistu, la manifestación artística consistía en mostral el macabru y desesperáu pataleu de los probis animalinus duranti la su lenta agonía. Menus mal qu’una horrorizá mujel juesi pa la su casa a pol un insecticía pa dal una dina muerti a las criaturas… Dispuesinu, la esposición queó clausurá.
El artista (?) iju al tentu : “Esa mujer ha actuado como un talibán, cercenando las libertades creativas y culturales. Hay gente que se ha molestado, pero son los que no van con una mente abierta; los que no saben ir más allá”, “lo que busco es que el espectador entienda que igual que los grillos están pegados, él está pegado a unas reglas sociales, al mundo, sin ser consciente de todo lo que se está terminando cada instante”. “No pueden sufrir porque no tienen sistema nervioso. Es como cortar una planta. Por otra parte, yo estoy en contra del maltrato animal”... En fin, arrejundin las palabras.
Qué fácil es atrevelsi con mil grillinus de na… ¿verdá?
Qué provechosu aprovechal el tirón mediáticu de la polémica pa’l jundeu artísticu presonal... ¿verdá?
¡Patéticu!
Se puéi creal, creal belleza, sirviéndusi de cuantu ofreci la Mairi Tierra peru con projundo respeitu y ejandu arrematal rigurosamenti los ciclus vitalis.
¿Esu es arti? Esu es: fusca. Arti, es el cantu d’un grillu en metá una nochi de vranu anti la inmensidá de la cúpula celesti preñá de galasias.