Día 27 d'eneru, po-la mañana, sentáu en un canchu renti los rápidus 'el ríu Gangis. Arrematu d'arrepañal tierra arenisca y arena  pa los mis cuados, ampiecinu d'unus ñíus d'andurinas enanas.

Ena rivera d'enfrenti, una mujel lava n'el ríu... los sus jisus andan juegandu. Velequili, esóticus pájarus.

Hoi retornu a Delhi pa entallal el mi vuelu destinu Bruselas-Mairil, me s'apeteci miral duranti las horas 'el viaji jasta el aerupuertu. Dami penina ejal estu.

Estu se paeci una mijina a las gargantas de  la nuestra montaña... peru en giganti.

Agraecíu.

photo by antòniu

PINACOTECA

Pol el módicu preciu d'un paseínu, se puéi dil al grandiosu espectáculu de la pinacoteca de l'atardecía. El maestru Sol desparci las pincelás con ayúa 'el maestru vientu. Los lienzus?... el bosqui, la montaña, las nubis, el cielu..

Agilandu

HIVIELNU

Agilal po-la montaña al alcuentru 'el hivielnu enantis de qu'escomienci una nueva primavera.

Saboreal la luci radianti 'el Sol y el limpiu cielu azul. 

Oyel al silenciu y juegal con el ecu.

Ojeal pa unas cabrinas salvajis paciendu pacíficamenti en metá la praera.

Vel escuendelsi al Sol n'el bosqui acariciáu po-los sus últimus rayus anaranjáus... y la mi sombra alargá ampié 'el caminu.

En siendu,  en estandu.

photo by antòniu

Lubricanus, últimu día 'el añu

Atardeci... últimu diína 'el añu.

Y el pairi Sol, nu entiendi de datas ni de celebracionis. Acontina conel su cicru esistencial... endonandu latíus. 

Al alcuentru...

    voi al alcuentru 'el pairi Sol enantis de que s'escuenda n'el horizonti asina amanti diendu al alcuentru de l'amá con el deseu n'el cuerpu y n'el pechu d'acogel cálidus abrazus y besus. Y en efeutu, sentáu en metá la gelmandá 'el bosqui, pol momentus, mentris recibu el su reconfortanti abrazu de lú y calol, lu sientu comu a alguien que m'ama, profunda e incondicionalmenti... sin piil na a cambiu, sin custional naína, siempri veleí... to-los días 'el añu... duranti  to-los días de la mi esistencia. Y lu sientu asina agua n'el desiertu qu'aplaca la mi sedi... la sedi de lú del corazón, la sedi de caminu apacibri pa la propia esencia.                                                                                            

Apalpu los pétalus naranjas 'el Sol ca lubricanus y saboreu el duci elisil qu'emana de los sus pistilos... asina alimentu sagráu. Y acariciu las páginas 'el libru de la su presencia, maestras garantizaoras ' el sinificáu de la mi presencia...
Ena presencia de toínu, ena presencia de toínus. 

La mi amiga

Amiga,

de nuevu

renti a ti.

U quiciás,

siempris acontinabas
colmigu...

en drentu

‘el  miu pechu.

La mi amiga mar.

NOVU TESTAMENTU NA FALA DE XÁLIMA

Ia temus aquí u Novu Testamentu, tradudíu á Fala de Xalima -na varianti do mañegu- pur Mingu (Domingo Frades).  A presentación du libru se fidu u lunis 8 na igrexa de Sa Martín de Trevellu.

Ei tuvi a sorti de estal eno eventu, certamenti  históricu (crencias de ca un aparti). Cumu dixu nu actu,u representanti de PROEL, nun toas as lenguas tenin a sorti de tel tradudíu esti textu nin a oportuniai de incorporalu á cotidianidai dus falantis que u demandin.

Aparti de istu, queru fel unha lectura máis : pa mí, tamén é históricu u feitu de habelsi  leváu a bo portu unha edición de  tanta transcendencia  “contra ventu i marea”. Pois a idel verdai, u libru ha síu pusibri gracias a un esforzu i entusiasmu particulal. Dalgunha maneira a administración autonómica ten que tomal nota i dalsi conta de que unha realiai lingüística cumu é a Lengua du Val de Xálima mereci profundu respetu, consideración, recuñucimentu i obviamenti un apoiu institucional claru. Apoiu que sí se está notandu, en certa midía, desde os aixuntamentus.
Tamén se eitó de menus algunha repercusión nus meius de comunicación; nun había cámaras de Canal Extremaúra, nin periodistas... Unha lástima!

A Fala, a lengua europea minorizá cun maiol númiru porcentual de falantis, mereci dil incorpurándusi en tos us ámbitus: na educación, na documentación, enos meius de comunicación, na rotulación, na toponimia oficial, na cultura i pur supostu tamén na igrexa… du mesmu xeitu que ia están incorporás, desde fai mutus anus, oitras lenguas cooficiais cumu o catalán, u vascu, o galegu, u valencianu, o aranés (lengua pirenaica que nun chega ús 3000 falantis) etc. I nun se trata de piil peras ú olmu, se trata de puras garantías constitucionais.

Hoixi en día, pur muta forza que teña unha lengua minoritaria é imprescindibri un apoiu oficial claru si nun queremus que se vaia  poicu a poicu difuminandu.

Esti libru é un pasu importanti, pero quean mutus máis… que pasan inexorabrimenti pur un direitu irrenunciabri: u da COOFICIALIAI.